11 July 兩兄弟第一天回校
細佬學校其實返埋下星期五就放暑假，不過當我地註冊時，佢問我地會唔會俾小朋友返學適應一下，我地都覺得好，所以細佬黎到英國第4日就開始返學了﹗
初來報到，又要去新學校，我們都擔心細佬未必肯入去，係班房門口老師俾我地跟埋入去，然後我和細佬坐底，老師俾咗塊白版他去寫英文字，跟住我地講byebye佢雖然有點兒眼紅，但無喊就和我地byebye，然後我地跟校長去傾咗陣，跟住我們就回家了﹗
細佬係香港讀K2，黎到英國就變咗小學 year reception，要返全日，由朝早8:35到下午3:05，仲要自己係學校食飯，真係不敢想像～
然後就去帶哥哥返一返學校，佢入去佢出年嗰班度認識老師和同學，也體驗一下(約一個鐘)，我地就跟住老師行一圈認識一下學校和填返的form俾學校。哥哥出黎之後就話好開心，和香港唔一樣，同學好多野講但老師無鬧。哥哥話係香港要好安靜，一嘈就會俾老師鬧😅 最後佢話未識到新朋友，不過有好多同學黎和佢傾計，希望9月正式上學會順利﹗
到下午去接細佬放學，除了有點攰好像無咩問題，原本學校今晚還有特別活動Disco night，他的同學都換晒靚衫，不過我地都怕細佬一下子返學太長時間，所以沒有參加，期待之後的其他活動～
Search